Mae Dr Alexander Taylor yn Seicolegydd Siartredig ac yn Gymrawd Cyswllt gyda Chymdeithas Seicoleg Prydain ac yn Gymrawd yr academi addysg uwch, gyda PhD mewn Seicoleg o Brifysgol Reading, gradd anrhydedd MSc mewn Niwrowyddoniaeth o Brifysgol Manceinion, a gradd gyntaf -gradd dosbarth BSc anrhydedd mewn Bioleg Ddynol a Seicoleg o Brifysgol Swydd Stafford. Mae gen i brofiad ac arbenigedd ymchwil, yn ogystal â phrofiad clinigol a phrofiad dysgu ym meysydd: niwrowyddoniaeth affeithiol, gwybyddiaeth, heneiddio, clefyd Alzheimer, iechyd meddwl, niwroddelweddu, niwroseicoleg a dulliau ymchwil. Mae prif themâu fy ngwaith ymchwil yn canolbwyntio ar iechyd emosiynol a chorfforol oedolion hŷn yng nghyd-destun rhyngweithiadau emosiynol a gwybyddol mewn perthynas â modelau a damcaniaethau seicolegol a niwral.

Cadeirydd pwyllgor moeseg yr Adran Seicoleg

Aelod o banel moeseg ymchwil y Brifysgol (REP)

Meysydd ymchwil cyfredol: Canlyniadau pryder a achosir ar weithrediad gwybyddol a echddygol; Effaith Kombucha a prebiotics ar reolaeth wybyddol, straen ac emosiynol mewn unigolion iach (cyllid Innovate UK); Lles mewn natur.

Mae fy ngwaith ymchwil diweddar yn cynnwys y canlynol: Astudiaeth yn canolbwyntio ar ddatblygiad gwybyddol plant byddar a’r effaith ar gysylltiadau niwrol mewn cyfatebion niwrol allweddol, gan ddefnyddio fNIRS i asesu gweithgarwch niwrol; Mae un arall yn ymwneud â gwaith gyda’r gwasanaethau cyfiawnder ieuenctid, gan fanteisio ar lwyddiant prosiect haf yn y celfyddydau i leihau ymddygiad tramgwyddus. Yn y Sefydliad Strôc a Dementia ym Munich, roedd fy ngwaith ymchwil yn canolbwyntio ar ddelweddu amlfodd (cyfuno EEG-fMRI) o newidiadau yn yr ymennydd dynol yng nghamau cychwynnol clefyd Alzheimer a chlefyd serebro-fasgwlaidd; Nesaf ymgymerais â phrosiect ym Mhrifysgol Southampton yn mesur effaith cyffuriau sy’n targedu sianeli ïonau synhwyro asid (ASIC) sy’n gallu lleddfu gorbryder, a gyflawnwyd drwy ddefnyddio her CO2 i beri gorbryder mewn gwirfoddolwyr iach (EOG, marcwyr imiwnedd ac ymddygiadol).

Trwy fy ngwaith ymchwil, rwyf wedi cael profiad dysgu gwerthfawr ym meysydd seicoleg fiolegol, niwroseicoleg, gwybyddiaeth, dulliau ymchwil a meysydd seicoleg creiddiol eraill. Ar hyn o bryd, rwyf wrthi’n cwblhau’r cymhwyster TUAAU, sydd wedi’i achredu gan Fframwaith Safonau Proffesiynol y Deyrnas Gyfunol, er mwyn ffurfioli safon a phrofiad fy ngwaith dysgu.