Cyfarwyddwr Dysgu ac Addysgu

Cydlynydd darpariaeth Cymraeg y Gyfraith a Throseddeg

Thema ganolog gwaith ymchwil Angharad yw cyfraith fasnachol (gwerthu nwyddau ac ansolfeddau).  Cwblhaodd ei doethuriaeth ar gymalau cadw teitl (retention of title clauses). Nod y traethawd oedd ymchwiliad penodol ar reolau drosglwyddo perchnogaeth o dan Ddeddf Gwerthu Nwyddau 1979. 

Mae ei gwaith ymchwil ar hyn o bryd yn canolbwyntio ar gyfraith ansolfedd gorfforaethol a chwmnïau mewn trallod ariannol. Mae ei hymchwil yn archwilio materion cyfredol gyda chyfraith ac ymarfer ansolfedd corfforaethol. Yn benodol, mae'r ymchwil yn canolbwyntio ar effaith Deddf Ansolfedd a Llywodraethu Corfforaethol 2020 a sut mae'r mesurau parhaol (gyda phwyslais ar y moratoriwm annibynnol newydd) wedi cael eu defnyddio, eu deall a'u derbyn gan wahanol randdeiliaid, yn fwyaf nodedig credydwyr â sicrwydd a hebsicrwydd. Mae ei hymchwil wedi arwain at gyhoeddiadau o fewn cyfnodolion arwyddocaol megis y ‘Journal of Corporate Law Studies,' 'European Business Law Review' a'r 'Nottingham Insolvency and Business Law eJournal.'   

Mae Angharad yn gyn-fyfyrwraig israddedig yn y Gyfraith o Brifysgol Aberystwyth. Yn ogystal, graddiodd Angharad o Brifysgol Caerdydd â gradd meistr, cyn dychwelyd yn ôl i Brifysgol Aberystwyth i barhau â’i astudiaethau. Cwblhaodd ei doethuriaeth ar faes cyfraith fasnachol. Mae Angharad yn ddarlithydd yn y Gyfraith yn adran Y Gyfraith a Throseddeg yn Aberystwyth ac yn dysgu trwy gyfrwng y Gymraeg a'r Saesneg. Cafodd ei phenodi fel Cyfarwyddwr Dysgu ac Addysgu'r Adran ym mis Ionawr 2024.