Catrin Fflur Huws

Thema ganolog gwaith ymchwil Catrin yw dimensiwn Cymreig y gyfraith. Yn unol â hynny, yn 2005, cwblhaodd ei doethuriaeth ar y defnydd o'r iaith Gymraeg yn y system gyfreithiol. Nod y traethawd oedd ystyried statws ymarferol yr iaith Gymraeg yn y llysoedd, a sut y gall dwyieithrwydd sefydliadol effeithio ar ddewis iaith unigolyn.

 Ers hynny, cwblhaodd Catrin waith ymchwil ar ddehongliad cyfreithiol o Ddeddf yr Iaith Gymraeg 1993, gan gynllunio ar gyfer defnydd o'r iaith mewn achosion cyfreithiol ac effaith canfyddiad o iaith ar ddewis iaith. Cwblhaodd brosiect yn ddiweddar ar dai fforddiadwy a'r effaith a gaiff diffyg tai fforddiadwy ar y Gymru wledig. Mae ei gwaith ymchwil ar hyn o bryd yn canolbwyntio ar gydraddoldeb ieithyddol. Cyfuna hyn gyda diddordeb mewn theatr, ac mae wedi cyhoeddi gwaith ar decnhegau theatr ar gyfer dadansoddi'r gyfraith.

 Y mae bellach yn cyfuno y diddordebau hyn drwy fod yn ran o dîm ymchwil sydd yn ymchwilio i mewn i gyfieithu ar y pryd mewn achosion cyfreithiol, ac mae'n rhan o brosiect ymchwil a ariannwyd gan yr Academi Brydeinig ar gyfieithu mewn achosion llys. Y mae hefyd wedi derbyn grant gan yr AHRC er mwyn cynnal ymchwiliad cymharol o gyfieithu mewn llysoedd yng Nghymru a Gweriniaeth Iwerddon, gan gyd-weithio gyda Dr Roisin Costello o Brifysgol Dinas Dulyn, a Dr Rhianedd Jewell a Dr Hanna Binks o Brifysgol Aberystwyth.

CT34920 Ecwiti a Chyfraith Ymddiriedolaethau

CT34820 Cyfraith Tir 

CT39020 Traethawd Estynedig y Gyfraith a Throseddeg

LC34920 Equity and the Law of Trusts

LC34820 Land Law