Mae Hanna yn seicoieithydd cymhwysol ag arbenigedd mewn dwyieithrwydd ac ieithoedd lleafrifol. Mae ymchwil Hanna yn ymchwilio'n bennaf i gaffaeliad dwyieithog/amlieithog a'r ffactorau sy'n dylanwadu ar hyfedredd. Mae ei hymchwil yn edrych yn benodol ar gaffaeliad disgyblion dwyieithog Cymraeg-Saesneg o ramadeg gymhleth a geirfa a sut mae ffactorau megis ansawdd, maint y mewnbwn a ffactorau cymdeithasol megis defnydd iaith ac agweddau yn rhagfynegi cyrhaeddiad ieithyddol. Mae Hanna ar hyn o bryd yn ehangu ar yr ymchwil hwn i edrych ar lwybrau caffael plant sy’n caffael y Gymraeg a’r Saesneg fel ieithoedd ychwanegol. Y tu hwnt i ymchwil caffael iaith, mae rhai o’i phrosiectau diweddar yn cynnwys sut mae defnydd cymdeithasol pobl ddwyieithog Cymraeg-Saesneg o’u hieithoedd ar draws peuoedd yn effeithio ar oruchafiaeth iaith. Gyda chydweithwyr yn y Gymraeg ac adran y Gyfraith, mae hi’n edrych ar y defnydd o gyfieithu ar y pryd yn ystafelloedd llys Cymraeg.

Hanna yw cyfarwyddwr astudiaethau Cymraeg yr adran. Mae hi hefyd yn eistedd ar banel Arfer Academaidd Annheg y brifysgol ac yn Hyrwyddwr Cydraddoldeb a chynrychiolydd y Senedd yr adran.  

Mae Hanna yn seicoieithydd cymhwysol ag arbenigedd mewn dwyieithrwydd ac ieithoedd lleafrifol. Mae hi wedi bod yn darlithydd mewn seicoleg yn Aberystwyth ers 2019.