Rhun Emlyn

Mae Dr Rhun Emlyn yn hanesydd yr Oesodd Canol, gyda diddordebau ymchwil arbennig mewn hanes eglwysig a gwleidyddol, yn ogystal â hanes Cymru. Mae ganddo arbenigedd yng ngyrfaoedd clerigwyr a myfyrwyr Cymreig canoloesol ac mae ar hyn o bryd yn archwilio cyfraniad clerigwyr yn Ngwrthryfel Glyndŵr.

Mae gan Rhun Emlyn ddiddordebau ymchwil mewn agweddau o hanes Cymru a hanes ehangach Ewrop yn yr Oesoedd Canol, yn arbennig hanes eglwysig a gwleidyddol. Mae'r rhain yn cynnwys astudio'r ymdeimlad o hunaniaeth yng Nghymru, y cyfleoedd gyrfa oedd ar gael a'r cysylltiadau a fodolai ar draws Ewrop trwy'r Eglwys. Diddordeb arbennig sydd ganddo yw perthynas yr Eglwys a gwleidyddiaeth a sut effeithiai hyn ar sefyllfa Cymru erbyn yr Oesoedd Canol diweddar. Ymchwiliodd Rhun i hanes myfyrwyr canoloesol Cymreig gyda'r pwyslais ar ddarganfod y myfyrwyr hyn ym mhrifysgolion Lloegr a chyfandir Ewrop a gweld y gyrfaoedd a ddilynwyd ganddynt yn dilyn eu cyfnod mewn addysg. Bellach mae'n ymchwilio i gyfraniad clerigwyr i wrthryfeloedd yng Nghymru wedi'r Goncwest, yn enwedig Gwrthryfel Glyndŵr, gan gynnwys astudiaethau manwl o rai clerigwyr penodol.

Tiwtor Rhan Dau