Cofnod Seminar ‘Cymraeg 2050’ a’r Cynllun Gweithredu

Ar gais Uned Iaith, Llywodraeth Cymru llywyddwyd y gweithdy hwn gan Dr Huw Lewis a Dr Elin Royles, Canolfan Wleidyddiaeth a Chymdeithas Cymru, WISERD@Aberystwyth. Y bwriad oedd rhoi cyfle i drafod y drafftiau diweddaraf o’r Strategaeth a’r Cynllun Gweithredu gyda rhanddeiliaid allweddol dan amodau ‘Chatham House’.
Yn ychwanegol at y cyflwyniadau gan swyddogion Llywodraeth Cymru, strwythurwyd tair sesiwn drafod gan y llywyddion yn ystod y seminar fel a ganlyn:
• Sesiwn Drafod 1: Gweledigaeth, Egwyddorion a Themâu
• Sesiwn Drafod 2: Cloriannu nodau’r strategaeth
• Sesiwn Drafod 3: Y Cynllun gweithredu
Mae’r cofnod seminar hwn yn crynhoi’r prif bwyntiau a godwyd yn y sesiynnau unigol. Mae llai o sylwadau ar yr ail sesiwn oherwydd natur yr adborth a dderbyniwyd. Gan y bu swyddogion yn rhan o’r grwpiau gwahanol, gobeithir fod nodiadau defnyddiol wedi eu casglu yn y modd hwnnw.