Dychmygu Iaith

‘Beth yw iaith?’ Bu’r cwestiwn yn bwnc trafod maith ymhlith athronwyr, gwyddonwyr, addysgwyr a chymdeithasegwyr. Mewn ymgais i fwrw goleuni newydd ar y cwestiwn, try’r gyfrol hon at feirdd o Gymru a phedwar ban, gan holi ‘sut y maen nhw wedi dychmygu iaith?’ Cyfieithir cerddi sy'n cwmpasu esiamplau o ieithoedd dan fygythiad ochr yn ochr â rhai prif ffrwd a'r drafodaeth arnynt yn cynnig sail i astudiaeth gymharol. Yn rhan o ddathliadau canmlwyddiant Gwasg Prifysgol Cymru, mae’r llyfr, drwy gysylltu llenyddiaeth Cymru a thramor, yn amlygu rhai o amcanion gwreiddiol y Wasg.