Innovations for a Changing World: IBERS Impact Case Studies

Arwynebedd cyfyngedig o dir sydd gan y byd i greu bwyd, tanwydd a dillad i boblogaeth sy’n tyfu, ac ar yr un pryd lleihau allyriadau nwyon tŷ gwydr a diogelu bioamrywiaeth.

Ar sail dros gan mlynedd o hanes o weithio i wella amaethyddiaeth tir glas, nod ymchwil IBERS yw gwneud ffermio yn fwy cynhyrchiol, mwy buddiol i’r gymdeithas a mwy gwarchodol i’n hamgylchedd.

Yn yr Athrofa, rydyn ni’n cynnal ymchwil sydd ar flaen y gad a chymhwysol arloesol sy’n sail ar gyfer bridio mathau newydd a gwell o gnydau, gan wneud amaethyddiaeth yn fwy cynaliadwy, a galluogi’r diwydiant i ddatblygu prosesau a chynhyrchion newydd.

Yma yn y Canolbarth, mae lleoliad unigryw IBERS a’i ecosystem o alluoedd yn caniatáu i’n myfyrwyr a’n hymchwilwyr gyflawni gwaith ymchwil ymarferol a hyfforddiant mewn geneteg planhigion, amaethyddiaeth, ecoleg, biotechnoleg a gwyddor amgylcheddol. Mae hyn yn fodd inni astudio’n hamgylchedd, ein cynefinoedd a’n systemau bwyd o’r mynydd i’r môr ac o’r fferm i’r fforc.

Mae ymchwil graidd IBERS yn canolbwyntio ar wneud cnydau’n fwy gwydn yn erbyn newid hinsawdd, gwella ansawdd cnydau, diogelu amrywiaeth genetig, dal carbon, a deall y rhyngweithio ehangach rhwng amaethyddiaeth a’r amgylchedd.

Rydyn ni’n gweithio’n agos gyda’r diwydiant i fynd i’r afael â heriau byd-eang, ymgysylltu â’r rhai sy’n ffurfio polisïau a’r gymuned amaethyddol ehangach er mwyn deall yr hanfodion yn well, ac yna cydweithio i ddod o hyd i atebion. Mae’r casgliad hwn o straeon effaith yn rhoi enghreifftiau go iawn le mae IBERS wedi creu effaith, ac yn parhau i wneud hynny, trwy gymhwyso ein biowyddoniaeth i helpu i adeiladu gwell yfory.