Ymgyrch Farchnata o’r Flwyddyn 1475: Moliant Huw Cae Llwyd i Seintiau Brycheiniog

Erthygl wedi ei haddasu o bapur a gyflwynwyd yn Fforwm Beirdd yr Uchelwyr 2015, ‘Brycheiniog a’r Beirdd yn yr Oesoedd Canol’, a gynhaliwyd yn Aberhonddu ar 16 Mai 2015. Roedd y gwaith hwnnw, yn ei dro, yn seiliedig ar waith a wnaed ar gyfer prosiect Cwlt y Seintiau yng Nghymru. Mae’r erthygl (ac ynddi’n agos at fil o eiriau) yn trafod cerdd gan Huw Cae Llwyd lle molir cyfanswm trawiadol o 42 o seintiau Brycheiniog, a hynny er mwyn codi arian ar gyfer ei bererindod i Rufain yn 1475. Dadleuir bod y gerdd anhygoel honno wedi ei chreu er mwyn syfrdanu’r gynulleidfa fel y gallai ddod o hyd i nawdd ar gyfer y fenter, yn debyg iawn i brosiectau ‘crowdfunding’ diweddar ar wefan Kickstarter.